Siglir tar il cuntegn
Inhalt

Exteriur Manifestaziun gronda ad Istanbul

Dumengia suentermezdi han tschientmillis persunas demonstrà cunter l'emprova da putsch da mez fanadur. Il president Erdogan è puspè s'exprimì da reintroducir la paina da mort.

La manifestaziun è stada sut il motto «Democrazia e martirs». Ella duai marcar la fin da las demonstraziuns cunter l’emprova da putsch da mez fanadur cun passa 270 unfrendas.Tenor l'agentura da novitads statala han radund 5 milliuns demonstrants fatg part.

Clamà a la manifestaziun gronda aveva il president tirc Recep Tayyip Erdogan. El è s'exprimì da reintroducir la paina da mort. El fiss pront da ratifitgar ina tala decisiun dal parlament.

Er politichers da l’opposiziun èn sa participads. Dentant n’è la partida pro-curda HDP betg stada envidada. Radund 15'000 policists èn stads en acziun.

RR novitads 20:00