Malta: Terminà rapiment d'aviun

Tenor indicaziuns da l'agentura da novitads tudestga DPA han passagiers ed emploiads pudì bandunar l'aviun rapinà. Il rapiment saja ì a fin senza sponder sang. Ils dus rapinaders sajan arrestads.

Adina dapli passagiers pon bandunar l'aviun rapinà ch'è s'atterrà a Malta.

Legenda da maletgs: Adina dapli passagiers pon bandunar l'aviun rapinà ch'è s'atterrà a Malta. Keystone

In eroplan da la Libia cun 111 persunas a bord era vegnì rapinà oz avantmezdi durant ses sgol da Sabha a Tripolis. Quai avevan annunzià las regenzas da Malta e Tripolis. L'aviun era vegnì sfurzà da s'atterrar a Malta. Curt avant las quatter ha l'agentura da novitads tudestga DPA annunzià la fin dal rapiment. Pertge ch'ils dus umens han rapinà l'aviun n'è anc betg sclerì.

L'aviun da la gruppa libanaisa Afriqiyah Airways, in airbus A380 era sin viadi da Sabha a Tripolis cura ch'el haja midà curs e saja s'atterrà a Valletta sin l'insla Malta.

RR novitads 14:00+