Siglir tar il cuntegn
Inhalt

Exteriur Malta ha praticas da taglia dispitaivlas

Numerus concerns europeics dovran para firmas affiliadas sin la Malta per uschia smatgar la taglia en lur patria. Quai resulta da millis da documents ch'il magazin «Spiegel» ha valità ensemen cun ina rait da retschertga investigativa europeica.

Valletta è la chapitla da la Malta.
Legenda: La chapitala da la Malta: Valletta vala sco paradis fiscal pauc enconuschent. Keystone

Tenor il «Spiegel» dettian ils documents invista en il sistem da la Malta per fundar firmas e mussia ils patruns da las firmas. Tar quellas tutgan era concerns sco BMW, la Deutsche Bank, Merck, Puma, Bosch u er la Lufthansa. Sulet la Lufthansa tgira tenor Spiegel 18 firmas affiliadas, tranter quellas era la cassa da pensiun.

Sin la Malta ston interpresas da l'exteriur be pajar 5% taglia sin lur gudogn. Quai però be sch'ellas fan er fatschentas sin l'insla.

Migrants da taglia

Tenor indicaziuns da «Mediapart» prenda l’insla cun var 430’000 abitants davent ad auters stadis da l’Uniun europeica var duas milliardas euro entradas da taglia. La publicaziun dat ina invista davos las culissas d’in paradis fiscal pauc enconuschent. Questas examinaziuns en connex cun «fugia fiscala, lavada da daners suspectus e corrupziun» sa basa sin ina glista da tut ils possessurs da las 53’247 firmas registradas a Malta.

Refusà renfatschas

Malat ha refusà tut las attatgas. Il minister da finanzas Edward Scicluna accentuescha che ses pajas n’haja da zuppentar nagut.

RR novitads 12:00