Exteriur - Mali reconstrueschan patrimoni cultural
La Svizra contribuescha in milliun francs per reconstruir 14 mausoleums en la citad Timbuktu en il Mali e quai sco donatura principala. 4 dals monuments ch'ils islamists han donnegià sajan gia vegnids reconstruids.
L'organisaziun da cultura da las Naziuns Unidas parta dal fatg che la reconstrucziun dals ulteriurs mausoleums saja terminada enfin il fanadur communitgescha il biro per il svilup e la collavuraziun DEZA.
Ils monuments dal patrimoni cultural da l'Unesco eran vegnids donnegiads durant l'occupaziun da la regiun entras ils dschihadists il 2012 e 2013.