Siglir tar il cuntegn

Exteriur Mali commemorescha unfrendas d'attentat a Bamako

En il Mali han cumenzà 3 dis da malencurada per las 21 persunas ch'èn mortas il venderdi passà tar in rapiment d'ostagis en in hotel en la chapitala.

Dus lavurants da l'ospital a Bamako sesan avant il bajetg (22.11.2015).
Legenda: Dus lavurants da l'ospital a Bamako sesan avant il bajetg (22.11.2015). Keystone

Tenor atgnas indicaziuns tschertgan ils investigaders dal Mali intensivamain ils cumplizis dals attatgaders.

La gruppa da dschihadists Al-Mourabitoun è sa declerada responsabla per l'attatga. Tenor ella è era la gruppa Al Kaida dal Maghreb sa participada a l'attatga.

18 giasts, 2 attatgaders ed 1 policist perdan la vita

Il rapiment d’ostagis vegnì terminà suenter 9 uras cun l’engaschi da forzas spezialas da la Frantscha e dals Stadis Unids. 18 giast da l’hotel, in commember da las forzas spezialas dal Mali e 2 attatgaders eran morts il venderdi.

Suenter l’attentat aveva la regenza dal Mali proclamà il stadi d’urgenza per 10 dis. A Bamako è ina normalitad relativa puspè returnada durant la fin d’emna.

RR novitads 14:00