Facebook ha gudagnà l'ultim quartal passa 6 milliardas dollars ed er gudagnà vitiers novs utilisaders. Cumpareglià cun il terz quartal dad avant in onn è il gudogn s'augmentà per 19%, communitgescha la rait sociala. Il dumber da las persunas che nizzegian activamain a mais Facebook è creschì sin 2,5 milliardas.
Creschament sin l'entir mund
Il dumber d'utilisaders activs da Facebook è entaifer trais mais s'augmentà da 2,41 sin 2,45 milliardas. Mintga di vegnan radund 1,62 milliardas utilisaders sin Facebook. Ensemen cun autras purschidas sco WhatsApp ed Instagram dovran mintga di 2,2 milliardas utilisaders il servetsch dal concern. Il dumber d'utilisader è creschì sin l'entir mund.
Augment malgrà critica
Atgnamain stat Facebook fermamain sut squitsch e vegn crititgà perquai ch'el na fa nagut cunter la derasaziun da propaganda u cunter novitads sfalsifitgadas.
Ord l'archiv
RR novitads 11:00