Exteriur - Mai pli sgruflar ed adina chattar ils peschs
In letg, che mova la persuna che sgrufla en in'autra posiziun, dronas per ir en tschertga da peschs u computers, ch'ins utilisescha be cun ils egls: A la fiera da tecnologia da divertiment, la «Consumer Electronics Show CES» a Las Vegas, èn vegnidas preschentadas innovaziuns tecnicas pel mintgadi.
Sin ina surfatscha da radund 230'000 meters quadrat han var 3'800 firmas, producents e sviluppaders preschentà novs products tecnics. Tranter auters eran era Microsoft, Sony e HTC, ni las marcas dad auto VW, Toyota e Mercedes da la partida.
La CES vala sco pli impurtanta fiera da tecnologia da divertiment dal mund. Ella mussa, in tge direcziun che la tecnologia vegn a sa sviluppar durant l'onn. La fiera è stada quest onn per la 50avla giada.
Era il video recorder, il camcorder ubain il gieu «Tetris» ed il disc cumpact èn vegnids preschentads per la prima giada a la CES.