Siglir tar il cuntegn

Header

cuntegn

Exteriur Macron vul via radicala

Per in terz vul il president Franzos, Emmanuel Macron reducir il dumber da deputads e senaturs en il parlament. Plinavant vul el limitar ils mandats successivs ed el vul levgiar a partidas pitschnas il pass en il parlament. Schi fetschia da basegn vegnia el a fixar ina votaziun populara persuenter.

Emmanuel Macron ha pledà davant il chasti da Versaille davant deputads e senaturs per ina midada radical-nova en la politica. Uschia vul el midar las instituziuns politicas dal pajais e simplifitgar a partidas pitschnas d'entrar en il parlament.

Macron propona d'introducir elecziuns da proporz. Tar elecziuns naziunalas en Frantscha vala enfin uss in sistem d'elecziun da maiorz. Quai fa grev a partidas pitschnas da cuntantscher avunda vuschs per gudagnar sezs en il parlament. I na dat naginas glistas da candidats, be candidaturas per pudair represchentar in tschert circuit.

Plinavant vul Macron reducir il dumber da senaturs e deputads en il parlament, e quai per in terz. El vul era limitar ils mandats successivs. Sche necessari vul Macron laschar decider il pievel cun ina votaziun populara.

RR novitads 18:00

Artitgels legids il pli savens