Siglir tar il cuntegn
cuntegn

Exteriur Macron vul refurmar l'Uniun europeica

Per che l'Uniun europeica daventia pli resistenta a crisas e pli dinamica vul il president franzos Manuel Macron refurmar ella da fund ensi.

Il president Manuel Macron durant ses pled a la Sorbonne cun ina staila glischenta davos il chau.
Legenda: Il president Manuel Macron durant ses pled a la Sorbonne. Keystone

A Paris a l’universitad La Sorbonne ha il president franzos Emmanuel Macron tegnì in pled da principi davart l’Europa. El vul far avanzar l’Europa. Oz saja l’Europa memia debla, memia plauna e memia pauc effizienta. I dovria ussa in’Europa suverana, unida e democratica, ha ditg Macron – pertge che las valurs europeicas na dettia uschiglio nagliur sin il mund.

L'Europa è memia debla, memia plauna e memia pauc effizienta.
Autur: Emmanuel Macronpresident franzos

Il president franzos vul refurmar da fund ensi l’Uniun europeica. Tranter auter vul el in budget da defensiun europeic communabel ed ina truppa d’intervenziun europeica. Plinavant dovria erain’autoritad d’asil ed ina procura publica da l’UE per cumbatter il terrorissem.

RR novitads 18:00