Siglir tar il cuntegn
Inhalt

Exteriur Macron annunzia resposta resoluta sin dazis da multa

La decisiun dals Stadis Unids d'introducir dazis da multa sin imports d'atschal e d'aluminiun or da l'UE saja illegala.

Emmanuel Macron.
Legenda: Emmanuel Macron. Keystone

Il president franzos Emmanuel Macron ha chattà clers pleds: Ils dazis da multa ch'ils Stadis Unids han introducì sin imports d'atschal e d'aluminiun ord ils pajais da l'Uniun europeica sco er dal Mexico e Canada, sajan illegals ed in sbagl. Tenor l'agentura da novitads franzosa AFP haja Macron ditg quai a ses collega d'uffizi Donald Trump en in telefonat la notg sin venderdi.

Gia avant aveva la Cumissiun Europeica annunzià cuntramesiras als dazis da multa. Dasper repressalias ha il president da la cumissiun, Jean-Claude Juncker annunzià da purtar plant tar l'Organisaziun mundiala da commerzi (WTO).

L'UE vul plinavant reagir cun dazis da retorsiun sin products or dals Stadis Unids da l'America. Quai pertutgass per exempel Whiskeys, Jeans u motos, ma er products d'atschal e da bastiments. Quai mussa ina glista inoltrada a la WTO. Il Canada ed il Mexico han medemamain annunzià mesiras.

RR novitads 09:00