Quai rapportan differentas medias. Avant avevan ils fugitivs per part demolì la saiv al cunfin. La polizia da la Macedonia ha duvrà gas lacrimogen era cunter persunas che han bloccà binaris da viafier.
Dieschmilli fugitivs èn il mument bloccads en Grezia. Els vulessan cuntinuar lur viadi envers ils stadis en il vest da l’Europa. La raschun èn las controllas pli severas sin l'uschenumnada ruta dal Balcan. Ils stadis dal Balcan e l’Austria han decis avant curt ch’els veglian sulet laschar entrar contingents da fugitivs mintgamai en il pajais e da controllar pli intensiv ils fugitivs sin questa ruta.
RR novitads 15:00