En la dispita da tariffas tranter ils pilots da la Lufthansa e la societad aviatica pudessi dar moviment. Il schef da la Lufthansa Carsten Spohr ha offert al sindicat dals pilots ina mediaziun cumpletta davart tut las dumondas da tariffa avertas.
En il conflict da tariffas ha quai dapi in onn dà tut en tut 12 rundas da chauma. Il sindicat aveva adina pretendì ina mediaziun cumpletta, quai aveva la Lufthansa enfin ussa però adina refusà. En la dispita vai tranter auter per las pajas e las rentas dals radund 5’400 pilots.
