Siglir tar il cuntegn

Exteriur Loveparade 2010: Nagin process penal

La disgrazia da la Loveparade il 2010 a Duisburg aveva custà la vita a 21 persuna. Uss na vegnì betg tar in process penal. La dretgira civila da Duisburg ha decis da renunziar sin la procedura.

Cruschs per las 21 unfrendas.
Legenda: 21 persunas eran vegnids smatgads a la mort tar la Loveparade 2010 a Duisburg. Keystone

Suenter la disgrazia da la Loveparade il 2010 a Duisburg, nua ch'i aveva dà 21 morts, na duai betg dar in process penal. La dretgira civila da Duisburg ha decidì da betg avrir la procedura. Cunter quest conclus po anc vegnir fatg in plant immediat. Sche quel vegn dentant renvià alura na datti nagins ulteriurs meds legals pli.

Avant dus onns aveva la procura publica inoltrà in plant cunter sis collavuraturs da la citad da Duisburg sco er cunter quatter collavuraturs da l’organisaziun da la Loveparade. Ad els era vegnì rinfatscha mazzament e blessura corporala per negligientscha.

RR novitads 10:00