En la chapitala èn persunas en malencurada sa rimnadas tar la London Bridge, in dals lieus d'attatga. Tar blers edifizis èn las bandieras vegnidas messas sin mesa asta. Il burgamester da Londra Sadiq Khan ha regurdà vi da las set persunas mortas e las 48 blessadas.
La sonda saira avevan trais terrorists mazzà sin la London Bridge ed en il Borough Market almain set persunas e blessà diversas autras.
Igl è stà la terza attatga en Gronda Britannia dapi il mars da quest on. Lura aveva in automobilist prendì sut a Londra pliras persunas e suenter mazzà in policist. Ils 22 da mai èn mortas silmain 20 persunas tar il concert da la chantadura americana Ariana Grande a Manchester.
RR novitads 15:00