Siglir tar il cuntegn
Inhalt

Exteriur Londra – 6 blessads suenter attatga cun substanza chemica

En in center da cumpras a Londra èn almain 6 persunas vegnidas attatgadas e blessadas tras ina substanza chemica. Ina persuna suspectada saja vegnida arrestada, hai num da la vart da Scotland Yard.

Persunas avant il Stratford Centre a Londra.
Legenda: Sis persunas èn vegnidas blessadas tar l'attatga cun ina substanza. Keystone

Ina persuna è vegnida arrestada, perditgas rapportan ch'ina entira gruppa dad umens eran da la partida tar l'attatga sin il «Westfield Shopping Centre» a Londra. Pumpiers ed equipa da salvament han s'occupà al lieu dals blessads en il center da cumpras. Tenor la polizia na sa tracti betg dad in’attatga terroristica

Forsa acid

Tar l’attatga saja forsa acid vegnì duvrà. Ils ultims mais hai dà pliras attatgas cun acid a Londra. En la Gronda Britannia èsi fitg simpel da cumprar talas substanzas agressivas e quai anc fitg bunmartgà.

RR novitads 09:00