Siglir tar il cuntegn
cuntegn

Exteriur Libia: Regenza vul elecziuns en mars 2018

Il schef da la regenza renconuschida en la Libia vul far elecziuns presidialas e parlamentaras il mars 2018. Dapi la cupitgada dal dictatur Muammar al-Gaddafi l’atun 2011 è sfundrà il pajais nordafrican en in caos da terror e violenza.

Siluetta da milissa cun bandiera.
Legenda: Dapi il di da la cupitgada da ses dictatur al-Gaddafi il 2011, è sfundrà il pajais nordafrican en in caos. Keystone

Il president ed il parlament duajan vegnir elegids il mars 2018 e survegnir in mandat d'almain trais onns, ha ditg Fajes al-Sarradsch en in pled a la televisiun.

En pli ha Fajes al-Sarradsch preschentà in plan cun nov puncts. Quel duai servir a surmuntar il problems cun la segirezza, la separaziun dal pajais e la nauscha situaziun economica.

Caos tranter regenza unitara, cunter-regenza e milissas armadas

Malgrà la regenza unitara controlleschan vinavant milissas armadas vastas parts dal pajais. La regenza unitara duai esser la regenza naziunala. Ella vegn protegida da l’ONU e lavura dapi il mars 2016 davent da la chapitala Tripolis. Davent da la citad da Bengasi en l’ost dal pajais regna ina cunter-regenza.

RR novitads 06:00