Siglir tar il cuntegn
Inhalt

Exteriur Libia: pli che 2,4 milliuns umans dovran sustegn umanitar

Quai annunzian las Naziuns Unidas. I manchian tranter auter medicaments e vaccins.

Migrants che spetgan en la Libia da pudair cuntinuar lur viadi.
Legenda: Entaifer la Libia en er blers migrants d'auters pajais africans bloccads pervi da la crisa interna. Keystone

Er il provediment insuffizient en ils ospitals laschia patir la glieud, scriva l'incumbensà spezial da l'ONU per la Libia, Martin Kobler, en in rapport a chaschun dal di mundial da l'agid umanitar.

Bunamain 300'000 uffants na possian betg visitar la scola. Dasper blers fugitivs ord auters pajais africans hajan era 350'000 Libians stuì bandunar lur dachasa. La miseria chaschunada entras la crisa a Libia saja immensa.

RR novitads 09:00