Siglir tar il cuntegn
cuntegn

Exteriur Libertad per ils separatists – 300'000 protesteschan a Barcelona

En la chapitala catalana han passa 300'000 persunas demonstrà per la liberaziun dals manaders dals separatists catalans. Quai communitgescha la Guardia Urbana, la polizia da citad.

Demonstraziun e placats.
Legenda: «Per il dretg e las libertads vulains nus a chasa a vus!» radund 315'000 demonstreschan a Barcelona. Keystone

Passa 300'000 persunas han demonstrà davant la giustia en Spagna per la libertad da manaders separatists catalans. Tar la demonstraziun a Barcelona hajan ils demonstrants purtà bandieras cotschen-gelg strivladas e placats cun scrit si «Libertad!» u «Nagins ostagis pli!», scriva l'agentura da novitads svizra SDA.

Ils separatists fugids a l'exteriur duajan pudair returnar nundisturbadamain en Spagna. La polizia da la citad da Barcelona calculescha la cifra da persunas a la demonstraziun sin radund 315'000.

La demonstraziun ha gì lieu questa dumengia var sis mais suenter ch'ils dus manaders dals separatists Jordi Sànchez e Jordi Cuixart eran vegnids mess en arrest d'inquisiziun. Els eran vegnids arrestads sco emprims.

RR novitads 17:00