Siglir tar il cuntegn
cuntegn

Exteriur Liberà passa 200 dunnas en la Nigeria

Sco las forzas armadas nigerianas rapportan, hajan ellas liberà 200 mattas e 93 dunnas or dals mauns da l'organisaziun terroristica Boko Haram.

Ina gruppaziun da dunnas cun chandailas enta maun.
Legenda: Suenter il rapiment d’avant in onn hai dà en la Nigeria bleras manifestaziuns da protesta Keystone

Per il mument n'èsi anc betg cler sche las mattas èn las scolaras ch'èn vegnidas rapinadas avant passa in onn a Chibok. Ins vegnia uss ad interrogar ellas per pudair constatar lur identitad.

Il rapiment da las passa 200 scolaras l'avrigl 2014 aveva chaschunà consternaziun sin l'entir mund.