Leschas d’armas pli severas per ils Stadis Unids da l'America

Cun ordinaziuns vul il president american Barack Obama introducir leschas dad armas pli severas. Las mesiras sajan pussaivlas er senza il consentiment dal parlament.

Armas sin ina maisa cun policists.

Legenda da maletgs: Las armas valan sco simbol per la libertad en ils Stadis Unids. Keystone

Las mesiras planisadas sajan senza dubi en cumpetenza da la regenza. Ellas na dovrian betg il consentiment dal congress. Il dretg da posseder armas saja garantì en la constituziun americana e na vegnia betg restrenschì, ha Obama accentuà.

Cun las mesiras planisadas na possian ins betg impedir mintga sajettim da massa ed er betg mintga criminal po vegnir tegnì davent dad armas, ma ins possia spendrar vitas, ha ditg Obama. Las mesira exactas planisadas duajan vegnir enconuschent ils proxims dis.

RR novitads 06:00