Siglir tar il cuntegn

Exteriur Lavurar ti mordio per esser pront per l’avertura

Paucs dis avant l’avertura da l’exposiziun mundiala a Milaun vegn lavurà dapertut sut squitsch. Sco ch’il cummissari da l’Expo, Giuseppe Sala, ha confermà a las medias duessan tut ils pavigliuns esser pronts, uschia ch’il visitader na bada nagut da las pitschnas lavurs davos las culissas.

Il visitader na duess badar nagut da las pitschnas lavurs ch’i dovra anc davos las culissas.
Legenda: Il visitader na duess badar nagut da las pitschnas lavurs ch’i dovra anc davos las culissas. Reuters

En tut ha l’Italia investì radund 10 milliardas euros en tut ils projects da ed enturn l’ExpoMilano. Tar quels tutgan er novs trajects da vias, punts e sanaziuns da trottuars.

Corrupziun e la mafia

Ils ultims trais onns eran las lavurs da construcziun adina puspè interruttas. Dad ina vart causa ch’ellas èn sa retardadas pervi da scandals da corrupziun, da l’autra vart ha la procura publica er investigà pervi da la supposiziun che la mafia haja infiltrà tut ils projects.

Pavigliun svizzer è pront

Il pavigliun svizzer cun sias quatter turs da vaider è dentant gia pront per l’avertura. Il project che custa 23 milliuns francs a la Svizra, han ils represchentants gia inaugurà inuffizialmain avant in’emna.

L’exposiziun mundiala a Milaun cumenza il prim da matg 2015 e dura fin la fin d’october.