Siglir tar il cuntegn
Inhalt

Exteriur Laud per l'Ucraina

Il Fond monetar internaziunal IWF ha ludà l'Ucraina per ses progress economics. Cun ses svilup positiv haja il pajais surprendì il mund, uschia Christine Lagarde, la scheffa da l'IWF.

Il president ucranais Petro Poroshenko en discurs cun la scheffa da l'IWF Christine Lagarde.
Legenda: Il president ucranais Petro Poroshenko en discurs cun la scheffa da l'IWF Christine Lagarde. Keystone

Ella ha appellà als pli impurtants crediturs da sustegnair ils levgiaments da debits ch'eran vegnids negoziads per l'Ucraina. Ils crediturs impurtants eran sa declerads pronts da desister da 20% da las pretaisas. La restructuraziun dals debits da 18 milliardas dollars duai esser terminada sin la fin d'october. La Russia perencunter pretenda la restituziun entira da sias 3 milliardas dollars ch’ella aveva emprestà.

RR novitads 8:00