En la Siria vegn la nova pausa da cumbat pli u main resguardada. Tenor indicaziuns dal post da surveglianza per dretgs umans hai dà singulas attatgas or da l'aria e bumbardaments da l'armada siriana. Las provinzas da Hama e Aleppo èn stadas pertutgadas da quai.
Plinavant hai dà tuns en las regiuns controlladas da rebels datiers da la chapitala Damascus.
La pausa da cumbat, sin la quala ils Stadis Unids e la Russia èn sa cunvegnidas la sonda notg, è entrada en vigur glindesdi saira. Ella duai pussibilitar il transport da nutriment e medicaments per la populaziun sco era far liber la via per ina nov'emprova diplomatica da schliar il conflict.
