Siglir tar il cuntegn
Inhalt

Exteriur La vendita d'armas è s'augmentada sin l'entir mund

L'emprima giada dapi tschintg onns è il dumber dad armas vendidas puspè s'augmentà.

Vehichels da militar ed armas en la Corea dal Sid.
Legenda: Stadis sco la Corea dal Sid han investì bler ils davos onns en armas militaras. Keystone

Dapi tschintg onns èn las cumpras dad armas idas enavos. Conflicts militars procurian tenor novas cifras dentant puspè per in augment. La svieuta dals 100 pli gronds concerns d'armament ha muntà l'onn passà a passa 370 milliardas francs.Quai è in augment per bunamain dus pertschient - sco l'institut svedais per la perscrutaziun da la pasch «Sipri» annunzia.

Modernisaziun dals sistems d'armament

Plirs stadis - tranter auter la Corea dal Sid - hajan modernisà lur sistem d'armament, uschia il rapport. Da quai rearmament profiteschien cunzunt concerns d'armament americans e russ. Quels hajan fatg il 2016 bunas fatschentas.

RR novitads 08:00