479 da 623 parlamentaris han votà persuenter e 37 encunter da betg discurrer vinavant cun la Tirchia davart novs chapitels da contractivas. La resoluziun è sulet in appel als pajais commembers e la cumissiun da l'UE. Ella n'ha nagina vigur legala, ha dentant ina forza simbolica. La resoluziun è ina reacziun sin l'unda d'arrestaziuns en la Tirchia suenter l'emprova da putsch dal fanadur. Passa 125'000 funcziunaris dal stadi èn vegnids arrestads dapi lura.
Erdogan n'è betg impressiunà
Il president da la Tirchia, Recep Erdogan ha gia ditg avant questa decisiun che quella n'haja nagina muntada per el. El ha quintà ch'ils parlamentaris acceptian la resoluziun.
Ils discurs per in'entrada en l'UE avevan cumenzà l'onn 2005.
RR novitads 15:00