La Slovenia trametta schuldada als cunfins

Quai per gidar la polizia da controllar ils fugitivs. L'acziun è limitada a 3 mais.

Tavla da la Slovenia al cunfin cun l'Austria.

Legenda da maletgs: L'armada duai per 3 mais gidar la polizia da controllar ils fugitivs als cunfins da la Slovenia. Reuters

Als cunfins da la Slovenia dastga l'armada en l'avegnir controllar ils fugitivs. Quai ha decidì il parlament sloven cun 69: 5 vuschs. Uschia vegnan ils schuldads tramess per 3 mais al cunfin dal pajais. Là dastgan els arrestar per muments fugitivs ed als surdar a la polizia.

En cas d'urgenza dastgia la schuldada era vegnir violenta per uschia pudair proteger ils burgais ha ditg il primminister Miro Cerar. L'armada duai sustegnair la polizia.

L'onn passà èn 470'000 fugitivs arrivads en la Slovenia suenter che l'Ungaria aveva serrà ils cunfins.

RR novitads 06:00