Siglir tar il cuntegn

Header

cuntegn

Exteriur La Slovenia construescha ina saiv al cunfin cun la Croazia

La Slovenia ha cumenzà a construir ina saiv al cunfin cun la Croazia. Uschia vul ella dar dumogn a la crisa da fugitivs. Omadus stadis èn commembers da l'Uniun europeica.

A la Slovenia pari dad esser serius cun construir ina saiv al cunfin cun la Croazia.

Camiuns hajan transportà giatters al cunfin. Quai rapportan las medias a Ljubljana correspundentamain.

La regenza slovena aveva annunzià ier da vulair construir la saiv per chanalisar meglier l’affluenza da fugitivs. Il cunfin vegnia dentant a restar avert vinavant. Sulettamain ier èn radund 7'400 migrants arrivads en la Slovenia. Quai rapporta l'agentura da novitads STA sa referind sin la polizia. Dapi che la ruta dal Balcan maina sur la Slovenia en direcziun da l'Europa dal Vest sajan 180'000 persunas vegnidas registradas.

La Slovenia serria ses cunfins simbolicamain cun approvaziun da la Germania e l'Austria, pretenda la gasetta slovena «Delo». Quai muntia la fin per in'Europa averta.

RR novitads 12:00

Artitgels legids il pli savens