Siglir tar il cuntegn
Inhalt

Exteriur La situaziun en la California sa calma

Ils pumpiers han fatg progress en il cumbat cunter 15 gronds incendis en la California.

Pumpiers da California en il cumbat cunter il fieu.
Legenda: Il cumbat cunter ils incendis en California avanza. Keystone

En il nord da la California sa calma la situaziun plaunsieu. Ils ferms vents ch’han fin uss impedì las lavurs dals pumpiers, laschan suenter. Tenor las autoritads localas èsi uschia reussì als pumpiers da survegnir sut controlla dus gronds incendis da guaud. Radund 25milli persunas hajan entant pudì turnar en lur chasas. Radund 75milli restan però anc evacuadas.

Las flommas han destruì ina surfatscha da 880 kilometers quadrat. Quai correspunda a la surfatscha dal chantun Giura. Almain 40 persunas èn mortas. Passa 200 persunas valan anc sco sparidas.

RR novitads 14:00