Siglir tar il cuntegn
Inhalt

Exteriur La Serbia ed il Cosovo s’avischinan

Sin la via per normalisar lur relaziuns èn la Serbia ed il Cosovo sa cunvegnids sin pass impurtants.

Persunas cun bandieras serbas.
Legenda: Ina part da la minoritad serba en il Cosovo ha fadia d’acceptar ch’els na tutgan betg pli tar la Serbia. Keystone

Ed era en ulteriuras tematicas sco l’energia e la telecommunicaziun han ils dus primministers dals pajais chattà ina cunvegna.

La responsabla per ils affars exteriurs da l’Uniun europeica, Federica Mogherini, discurra da resultats istorics. Ella maina ils discurs a Brüssel tranter il primminister serb Aleksandar Vucic ed il schef da regenza cosovar Isa Mustafa. In punct da dispita eran ils dretgs da la minoritad serba en il Cosovo.

L’Uniun europeica ha empermess a la Serbia ed al Cosovo in’ulteriura avischinaziun, sch’ils dus pajais vegnan da schliar ils conflicts en la regiun.

RR Novitads 06:00