Siglir tar il cuntegn

Header

cuntegn

Exteriur La satira «Birdman» survegn in Oscar sco meglier film

A Los Angeles èn vegnids surdads per l'87avla giada ils Oscars. La distincziun per il meglier film survegn «Birdman». Ina satira dal showbusiness da Alejandro Gonzalez Innaritu che ha er survegnì l'Oscar per la meglra reschia.

L'Oscar per il meglier actur va ad Eddie Redmayne per sia interpretaziun da Stephen Hawking en il film «La scuverta da l'immensitad» (The Theory of Everything). Sco meglra actura è Julianne Moore vegnida elegida. Ella ha giugà en il film «Still Alice» ina mamma cun la malsogna alzheimer.

Nagin Oscar per film svizzer

Il film curt svizzer «Parvaneh» ha manchentà l'Oscar en la categoria «live action short films». La distincziun va al concurrent «The Phone Call» da Mat Kirkby e James Lucas.

Oscars per megliers acturs secundars

Ils Oscars per ils megliers acturs secundars va a Patricia Arquette per sia rolla en il film «Boyhood» ed a J.K. Simmons per sia rolla en il drama da musica «Whiplash».

Artitgels legids il pli savens