Siglir tar il cuntegn

Header

cuntegn

Exteriur La regenza spagnola annunzia mesiras repressivas

Suenter ch'il schef da la regenza catalana Puigdemont ha ignorà l'ultimatum da la regenza centrala ha il primminister spagnol Rajoy reagì.

La regenza spagnola vul agir cun mesiras repressivas cunter las stentas da la Catalugna da vegnir independents da la Spagna. Uschia ha il primminister spagnol Mariano Rajoy reagì sin l’annunzia dal schef da la regenza catalana, Carles Puigdemont, da betg terminar cun las stentas per ina separaziun da la Spagna.

Nagina resposta da Puigdemont sin l'ultimatum

Carles Puigdemont n'ha betg exequì las pretensiuns ultimativas da la regenza centrala spagnola, da terminar tut las stentas per sa separar da la Spagna. En ina brev publitgada en medias catalanas ed adressada al primminister spagnol, Mariano Rajoy, ha Puigdemont persuenter danovamain ditg ch'el saja pront per il dialog. En cas da mesiras pli severas smanatscha el dentant cun l'independenza da la Catalugna.

Resguard da l'artitgel 155

Rajoy sa uss far diever da l’artitgel 155 da la constituziun spagnola. Quel lubescha a la regenza centrala a Madrid da surpigliar la controlla d’ina regiun. Lura savess Rajoy relaschar Piugdemont u reeleger in nov parlament regiunal. La regenza spagnola vegn ensemen la sonda per discutar tge mesiras prender.

RR novitads 11:00

Artitgels legids il pli savens