La regenza dal Danemarc en la crisa

Quai suenter che la ministra da l'ambient sa retira sin squitsch da l'opposiziun.

Demissiunescha: La ministra da l'ambient danaisa Eva Kjer Hansen.

Legenda da maletgs: Demissiunescha: La ministra da l'ambient danaisa Eva Kjer Hansen. Keystone

En il Danemarc ha la ministra da l'ambient, Eva Kjer Hansen, declerà sia demissiun – ed uschia chaschuna ina crisa en la regenza minoritara. Ella na veglia betg star enta pe a la regenza dal primminister Lars Lokke Rasmussen, uschia Hansen.

Mo 8 mais suenter sia entrada en uffizi sto Rasmussen uschia occupar da nov il post u proclamar elecziuns novas, sch'el n'è betg pli segir dal sustegn dals conservativs en il parlament.

Ils conservativs che tolereschan bain il primminister avevan declerà ... ch'els na possian betg pli sustegnair la ministra da l'ambient. Els rinfatschan a Hansen d'avair dà faussas infurmaziuns davart las consequenzas d’intginas refurmas agraras sin l’ambient.

Rasmussen posseda en il parlament danais ina maioritad da mo ina vusch.

RR novitads 15:00