La polizia greca ha rumì il cunfin cun la Macedonia

La polizia ha rumì ina lingia da viafier al cunfin cun la Macedonia. Plirs tschient migrants, la gronda part da l’Afghanistan, avevan occupà las rodaglias ed uschia bloccà il traffic da viafier.

Fugitivs sin rodaglias da viafier ed in bus.

Legenda da maletgs: Ils schurnalists n'han betg pudì assister a la rumida dals fugitivs. Reuters

Ils radund 1’200 fugitivs sajan vegnids charrads cun bus ord la citad d’Idomeni al cunfin cun la Macedonia, quai han perditgas ditg a las agenturas da novitads. Ils fugitivs aveva per part empruvà d’entrar cun forza en la Macedonia. Ils fugitivs aveva sinaquai protestà cunter la decisiun da la Macedonia da serrar il cunfin per ils burgais da l’Afghanistan e pli tard per tuts migrants. Schurnalists ed organisaziuns umanitaras n'han per part betg dastgà assister a la rumida.

L’organisaziun umanitara «Medis senza cunfins» avertescha che la Grezia na saja en in'emna betg pli abla da dar suttetg a tut ils fugitivs. Quai sche la Macedonia cuntinueschia da refusar persunas afganas al cunfin.

RR novitads 10:00