Plirs tschients fugitivs hajan empruvà da bloccar la via al port da Calais cun dar fieu a rument. Sinaquai haja la polizia duvrà gas lacrimogen per survegnir la situaziun sut controlla, quai rapportan las autoritads franzosas.
En il conturn da la citad da Calais vivan pli che 4’000 fugitivs en circumstanzas precaras. Las autoritads franzosas vulan endrizzar il proxim temp 125 containers per dar suttetg, quels tanschan dentant mo per var 1’500 persunas. Adina puspè emprovan fugitivs d'arrivar sin camiuns da Calais en la Gronda Britannia.
RR Novitads 15:00