Siglir tar il cuntegn

Header

Navigaziun

Il secretari general da la NATO Jens Stoltenberg.
Legenda: Il secretari general da la NATO Jens Stoltenberg declera la strategia encunter ils cuntrabandists. Reuters
cuntegn

Exteriur La NATO cunter cuntrabandists en la Mar Egeica

En la Mar Egeica dastgan bastiments dal pact uss er observar cuntrabandists. Ils stadis commembers da la NATO èn sa cunvegnids a directivas per l'engaschi dispitaivel.

Planisà è che bastiments da la NATO annunzian immediat a la guardia da costa da la Tirchia bastiments da fugitivs che partan, uschia che lezza po fermar quels e manar ils fugitivs enavos en la Tirchia.

La NATO sezza na dastga betg fermar bastiments. Cun quest agir vul l'Organisaziun dal pact da l'Atlantic dal Nord disfar ils affars dals cuntrabandists. Plinavant duajan fugitivs che han fatg naufragi vegnir manads enavos en la Tirchia.

Cun questas mesiras veglia la NATO prender als migrants scadina motivaziun per il viadi privlus sur la Mar. Quai ha ditg Jens Stoltenberg, il secretari general da la NATO.

RR novitads 12:00