Siglir tar il cuntegn

Header

Navigaziun

In uffant cun blessuras en in ospital en Siria.
Legenda: In uffant cun blessuras en in ospital en Siria. Keystone
cuntegn

Exteriur La miseria dals uffants en Sira – senza pleds

En Siria ha la miseria cuntanschì ina nova dimensiun. L'onn passà èn vegnids mazzads 652 uffants en la guerra civila quai munta 20% dapli che l'onn avant. Quai rapporta l'ovra d'agid per uffants UNICEF.

Ils uffants en Siria n’han betg giu in bel 2016. Sco l’organisaziun d’agid per uffants da las Naziuns Unidas UNICEF scriva vivan almain 2,8 milliuns uffants en regiuns strusch cuntanschiblas en Siria. Almain 850 uffants sajan segir vegnids sfurzads da prestar servetsch militar e quai era a la front sco survegliaders da praschuniers u era sco attentaders da suicidi.

Sco il directur da la UNICEF per la regiun Geert Cappelaere ha declerà sajan las dimensiuns da la miseria senza exempel, mintg’in da quest uffants haja plajas per vita duranta.

Malsognas curablas fineschan mortal

En bun duas terzas da las famiglias en Siria ston ils uffants lavurar per che las famiglias pon surviver. Bainduras sajan ils geniturs sfurzads da surdar da maridar lur uffants anc en giuvens onns, scriva l’UNICEF.

Bleras regiuns en Sirian n’èn betg cuntanschiblas e infurmaziuns na pon era betg vegnir verifitgadas. En bun duas terzas da las famiglias en Siria Uschia moran tenor Unicef uffants vida malsognas che fissan curablas senza la guerra civila en il pajais.

Tenor l'Unicef dovran entant 6 milliuns uffants agid umanitar e 2,3 milliuns uffants sirians vivan en champs da fugitivs en Tirchia, Libanon, Jordania, Egipta ed en l’Irac.

RR novitads 06:00