La gruppaziun militanta curda TAK è sa separada da la partida da lavurers scumandada curda PKK. Sco la gruppaziun militanta curda TAK scriva vulevan els agir en il cor dal stadi tirc. Tar l'attentader da suicidi sa tractia quai d’in cumbattant da la TAK ord la citad Van en l’ost da la Tirchia. La TAK ha anc annunzià ulteriurs attentats er en lieus turistics e averti a turists da viagiar en Tirchia.
La regenza tirca fa responsabels ils Curds sirians
La regenza da la Tirchia fa dentant responsabla la milissa curda en Siria YPG. Il primminister tirc Ahmet Davutoglu ha ditg che l’attentader saja in cumbattant da la YPG ord il nord da la Siria. La milissa curda en Siria YPG ha refusa la responsabladad e numna las rinfatschas ina stgisa per attatgar la YPG en Siria.
Tar l’attatga sin in convoi militar en la chapitala da la Tirchia Ankara eran 28 persunas mortas.
RR novitads 20:00
