Tenor il minister da defensiun britannic Michael Fallon, vegnian enturn 20 instructurs militars transferids en la Tunesia. Truppas da cumbat na vul la Gronda Britannia dentant betg trametter, uschia Fallon vinavant.
Il Stadi islamic - ch'è cunzunt activ en la Siria ed en l'Irac - nizzegia il chaos politic en la Libia per fitgar pè en la regiun. La citad da la costa Sirte ha el gia sut controlla.
La Tunesia vala sco l'unic stadi, nua che l'uschènumnada «primavaira araba» ha manaà ad ina democratisaziun. L'onn passà ha il Stadi Islamic dentant surpiglià la responsabladad per pliras attatgas terroristicas sin turists en la Tunesia.
RR novitads 12:00