Siglir tar il cuntegn

Exteriur La Grezia vul serrar ils dus pli gronds champs da fugitivs

Fin la fin d’emna vul la regenza da la Grezia serras ils dus gronds champs da fugitivs provisorics al port da mar d’Athen Piräus sco er al cunfin cun la Macedonia ad Idomeni.

In buob dasper las tendas dals fugitivs.
Legenda: Idomeni: Il champ da fugitivs duai vegnir schlià, ma ils fugitivs vulan cuntinuar lur viadi vers l'Europa dal vest. Keystone

Ils fugitivs vegnia supplitgads en linguatg arab dad ascender ils bus semtgads e da ir en ils champs da rimnada uffizials. Reporters al lieu han dentant vis ch’activists hajan cusseglià als fugitivs da betg far quai. E quai cun l’argument che mo sch'ils migrants restian ensemen ed il mund vegnia conscient da la miseria avant lieu, alura possian els quintar da pudair viagiar vinavant vers l'Europa centrala.

RR novitads 09:00