Siglir tar il cuntegn

Exteriur La Grezia fa in ulteriur grond transport da fugitivs

La regenza greca prenda ulteriuras mesiras per che la situaziun da fugitivs sin l'insla da Kos sa calmia.

Ina navetta datiers da l'insla greca Kos.
Legenda: La navetta greca banduna l’insla Kos, a bord èn fugitivs. Reuters

Ina navetta transporta radund 1'800 fugitivs davent da l'insla en direcziun da Thessaloniki. Sin quest viadi prendia ella si ulteriurs 1'000 fin 1'200 fugitivs sin las inslas Leros e Kalymnos, rapportan las medias localas.

Per cuntinuar lur viadi en direcziun Macedonia stattan a disposiziun als fugitivs bus. Da là maina il viadi dals fugitivs sur la Serbia en direcziun da l'Europa dal vest.

La situaziun sin l'insla da Kos è dapi emnas tendida. Adina puspè hai dà conflicts tranter las autoritads localas ed ils fugitivs ch’arrivan sur la mar.

RR Novitads 17:00