Siglir tar il cuntegn
Inhalt

Exteriur La glieud spetga en las bancas grecas

Las bancas greccas han puspè avert las portas suenter 3 emnas. Ed uss vulan bleras persunas retrair daners, perquai sa furman colonnas.

Grecs e Grecas spetgan en ina banca.
Legenda: Grecs e Grecas dovran pazienza l’emprim di che las bancas èn puspè avertas. Reuters

Vinavant valan tschertas restricziuns, mintga burgais po retrair 420 euros l’emna, sin giavisch era tut enina. En l’exteriur na pon ils Grecs retrair nagins daners cun carta da banca ni carta da credit. Vinavant na vegnan schecs betg pajads ora en daner contant, mabain scrits dabun sin il conto da banca.

Il martgà d’aczias da la Grezia resta dentant vinavant serrà. Sco quai ch'ina pledadra da la bursa ad Athen ha ditg, na valia il decret d’avrir las bancas betg per la bursa. I saja dentant pussaivel che la bursa vegnia anc quest’emna a reprender las fatschentas.

La bursa greca sco era las bancas eran vegnidas serradas ils 29 da zercladur. Quai en consequenza da la crisa da daivets ch'era s'accentuada.

RR novitads 10:00