Siglir tar il cuntegn
Inhalt

Exteriur La Germania vul extrader Carles Puigdemont

La procura publica tudestga vul extrader l’anteriur primminister da la Catalugna, Carles Puigdemont, a la Spagna. Ella ha perquai fatg ina dumonda per in cumond d'arrest a la dretgira suprema.

Carles Puigdemont
Legenda: La Spagna renfatscha a Puigdemont rebelliun perquai ch’el ha proclamà l’independenza da la Catalugna. Keystone

Suenter avair examinà il cumod d'arrest da la Spagna sajan ins vegnì a la conclusiun che l'extradiziun saja legitimada. Quai han communitgà ils investigaders dal Bundesland Schleswig-Holstein.

Rebelliun e defraudaziun da daners

La giustia spagnola renfatscha tranter auter rebelliun e defraudaziun da daners publics a Puigdemont. L’october passà aveva l’anteriur president regiunal da la Catalugna proclamà l’independenza da la Catalugna ed. Suenter che la giustia spagnola aveva instradà investigaziuns, era el lura fugì en la Belgia. Viagiond tras la Germania è el vegnì arrestà. Dapi lura è el a Neumünster en praschun. Tenor la procura publica exista en il cas da Puigdemont privel da fugia.

RR novitads 11:00