Siglir tar il cuntegn

Header

cuntegn

Exteriur La flomma olimpica è sin viadi

Ad Olimpia, il lieu da naschientscha dals gieus olimpics en la Grezia, è vegnida envidada la flomma olimpica durant ina ceremonia tradiziunala.

L’actura greca, Katerina Lechou ha envidà la flomma cun agid dad in spievel da parabolic tras ils radis dal sulegl. La ceremonia ha gì lieu ad Olimpia. Là èn las restanzas anticas dals emprims plazs sportivs per gieus olimpics insumma.

Suenter ha surpiglià l’emprim currider da fuschellas il fieu olimpic. En ina staffetta vegn manà il fieu tras l'entira Grezia per vegnir surdà ils 27 d’avrigl al comité d’organisaziun dals gieus olimpics 2016.

A partir dals 3 da matg cuntinua la staffetta sur mar en Brasilia. La fin vegn ad esser ils 5 avust tar la ceremonia d’avertura pels gieus olimpics a Rio de Janeiro.

RR novitads 15:00

Artitgels legids il pli savens