Siglir tar il cuntegn

Header

Navigaziun

In schuldà observescha.
Legenda: La chapitala Nikosia è ina citad dividida en duas parts. In schuldà mira da la part tirca en la part grecca da Nikosia. Keystone
cuntegn

Exteriur La finamira è sulet in stadi federativ Cipra

Sin il Mont-Pèlerin (VD) sur il lai da Genevra han cumenzà ils discurs da pasch davart la Cipra. Tenor il secretari general da las Naziuns Unidas Ban Ki Moon è ina cunvegn da pasch en mira.

Ils proxims tschintg dis vegnan represchentants dals Cipriots grecs e dals Cipriots tircs a discutar sur da l'insla dividia, quai sut l'egida da las Naziuns Unidas. Las contractivas sur in onn e mez han gia purtà buns progress, ha ditg Ban al cumenzament da las contractivas d Mont-Pèlerin.

Ultima schanza

Intginas dumondas sensiblas sajan anc avertas, ha accentuà Ban. Dispitaivel èn las dumondas territorialas, dumondas da dretgs da proprietad, ma er la preschientscha da truppas tircas sin l’insla vegnan ad esser temas. Ina pussaivla finamira è in stadi federativ cun dus equivalents stadis federativs.

Las aspectativas en tar omaduas parts da la Cipra grondas

La Cipra è dapi il 1974 de facto sa parada en duas parts. En la part dal sid en la Republica Cipra, che fa part da l’Uniun europeica vivan stgars 900’000 persunas, la gronda part èn Cipriots grecs. En la part dal nord, che vegn sulet renoconuschida da la Tirchia vivan radund 300’000 persunas. Tenor stimaziuns èn quai radund 135’000 Cipriots tircs. Il rest èn colonists ord da l’Anatolia sco era circa 35’000 schuldads tircs.

RR novitads 14:00