Siglir tar il cuntegn

Exteriur La «Fed» auza puspè ils tschains directivs

Suenter 7 onns è quai l'emprima giada che la banca naziunala americana auza ils tschains directivs.

Janet Yellen
Legenda: Dapi la crisa da finanzas dal 2008 n'ha la banca naziunala betg auzà ils tschains directivs pli - ussa ha la schefa da la «Fed», Janet Yellen, midà strategia. Keystone

Ils tschains a curta vista ha la «Fed» auzà per 0,25% sin tranter 0,25% e 0,5%, communitgescha la banca naziunala americana suenter sia sesida da december a Washington. Sin il zenit da la crisa da finanzas il 2008 aveva la "Fed" sbassà ils tschains sin quasi nulla, e dapi lura betg pli auzà.

Uschia vuleva la banca naziunala sustegnair il svilup da la conjunctura. Numnadamain cun metter a disposiziun damers bunmartgà, quasi senza tschains. Tenor la scheffa da la banca naziunala americana Janet Yellen èsi però temp da puspè tegnair las hottas pli stretg. Ella ha era annunzià da continuar cun augments da moda moderada.

RR novitads 21:00