Siglir tar il cuntegn
Inhalt

Exteriur La cumissiun da l’UE mussa ils dents a Gazprom

La cumissiun da l’Uniun europeica ha tramess al concern d’energia russ Gazprom ils puncts uffizials da recurs en la procedura da cartel.

La cumissaria da l’UE Margrethe Vestager.
Legenda: La cumissaria da l’UE Margrethe Vestager preschenta las rinfatschas envers il concern d’energia russ Gazprom. Keystone

Uss smanatscha a Gazprom ina multa da milliardas, scrivan las agenturas da novitads. L’uniun europeica rinfatscha al concern d’energia russ tranter auter d’isolar ils martgads da gas en l’Europa centrala ed en l’Europa da l’ost.

Cun quest pass vul l’Uniun europeica augmentar il squitsch sin il concern. A la fin pudess perfin resultar ina multa da radund 10 milliardas dollars.

La dispita ha ina dimensiun politica, pervi da la dependenza da blers pajas da l’Europa da gas russ.

RR Novitads 14:00