La Cuba cumbatta il virus da Zika

L'insla vul impedir ch'il virus da Zika sa derasia ed engascha perquai 9'000 schuldads. Quai ha annunzià il president Raul Castro.

Cun fim duain las chasas vegnir deliberadas dals mustgins a Havanna.

Legenda da maletgs: Cun fim duain las chasas vegnir deliberadas dals mustgins a Havanna. Keystone

Il cumbat cunter il mustgin che transmetta il virus saja in affar persunal da mintga burgais, ha declerà Castro. Fin ussa sajan ils gnieus dals mustgins vegnids cumbattids memia pauc. Er las cundiziuns da l'aura disfavuraivlas hajan promovì ch'il virus sa derasia.

Il virus da Zika effectuescha cun gronda probabilitad donns vid il tscharvè d'uffants anc betg naschids. La Brasilia è il mument pertutgada il pli fitg da la malsogna.

RR novitads 06:00