Siglir tar il cuntegn
Inhalt

Exteriur La crisa da fugitivs basegna collavuraziun

Per dumagnar la crisa da fugitivs duain ils pajais da l’Uniun europeica lavurar pli ferm ensemen. Quai vulan l’Italia e la Frantscha.

Paolo Gentiloni (sanester) e Emmanuel Macron (dretg) suenter l’emprim inscunter.
Legenda: Paolo Gentiloni (sanester) e Emmanuel Macron (dretg) suenter l’emprim inscunter. Keystone

Al emprim inscunter dal president franzos Emmanuel Macron cun il schef da regenza talian Paolo Gentiloni ha Macron accentuà che l’Uniun europeica n’haja fin ussa betg dà ureglia a l’avertiment da l’Italia. Necessaria saja ina politica da migraziun europeica cuminaivla, han ditg ils dus politichers avant las medias a Paris.

Refurma dal dretg d’asil

Macron ha era discurrì ch’ina necessitad saja ina refurma dal dretg d’asil. Tenor indicaziuns da l’Italia èn gia passa 45’000 migrants vegnids quest onn sur la Mar Mediterrana en l’Italia.

RR novitads 06:00