Siglir tar il cuntegn
Inhalt

Exteriur La Corea dal Nord è pronta per in barat regular cun l'ONU

La Corea dal Nord è d'accord da sa barattar regularmain cun l'ONU. Tenor medias statalas saja Pjöngjang pront da mantegnair il contact cun l'ONU «tras visitas sin plirs nivels».

Minister da l'exteriur da la Corea dal Nord Ri Yong-ho e sut-secretari general da l'ONU Jeffrey Feltman.
Legenda: L'emprima giada dapi il 2010 ha in represchentant da l'ONU visità la Corea dal Nord. Keystone

Quai èn ils resultats da la visita dal sut-secretari general da l'ONU Jeffrey Feltman en il pajais isolà.

Tenor l'agentura da medias KCNA fa la Corea dal Nord culpabel ils Stadis Unids e lur squitsch nuclear per las tensiuns sin la peninsla coreana. Feltman ha betg prendì posiziun tar l'inscunter.

Ils tests dad armas nuclearas e rachetas da la Corea dal Nord fan gronds quitads sin l'entir mund. La fin november aveva la Corea dal Nord fatg tests cun ina racheta intercontinentala e communitgà che l'entir territori da la terra franca dals Stadis Unids saja uss cuntanschibel cun rachetas. Quai aveva motivà il cussegl da segirtad da l'ONU tar in inscunter cun Pjöngjang.

RR novitads 11:00