Siglir tar il cuntegn

Exteriur La China fa attent l'USA da betg maschadar facts

La China ha supplitgà ils Stadis Unids da betg metter en relaziun il tema commerzi cun la dispita areguard il program atomar nordcorean.

Las bandieras da la China e l'USA.
Legenda: Ils Stadis Unids na duaian betg metter en relaziun il commerzi cun il conflict cun la Corea dal Nord. Keystone

La China pensia che la politica atomara da la Corea dal Nord ed il commerzi tranter ils Stadis Unids da l’America e la China sajan dus temas dal tuttafatg differents, ha declerà il viceminister da commerzi chinais Qiam Keming. Domadus pajais profiteschian da las relaziuns bilateralas.

La China ha reagì uschia sin messadis da Twitter dal president american Donald Trump. Quel aveva rinfatschà a Peking da profitar dal commerzi cun ils Stadis Unids, en il medem mument dentant na fetschia la China nagut en il conflict cun la Corea dal Nord. L’USA ha l’ultim temp differentamain fatg attent la China d’augmentar il squitsch sin la Corea dal Nord.

RR novitads 12:00